الموڑہ کے دو نوجوان شراب کے 30 ڈبوں کے ساتھ گرفتار 

باگیشور۔ لوہاگھاٹ پولس نے باراکوٹ میں بردخان کے قریب الموڑہ سائیڈ سے لائی جارہی شراب کے 30 ڈبوں کے ساتھ دو لوگوں کو گرفتار کرکے گاڑی کو ضبط کرلیا ہے۔ پولیس نے دونوں کے خلاف ایکسائز ایکٹ کے تحت مقدمہ درج کر لیا ہے۔ بتایا جا رہا ہے کہ اسمبلی انتخابات کے پیش نظر ضلع میں شراب کو ٹھکانے لگانے کی منصوبہ بندی کی جا رہی تھی۔ ایس پی دیویندر پنچا نے بتایا کہ اتوار کی رات ایس او جی اور پولیس کی مشترکہ چیکنگ کے دوران ڈھولڈنگا بند بردخان کے قریب سے بولیرو یو کے 01-A-6168 کی تلاشی لی گئی۔ گاڑی سے 30 ڈبوں میں 156 بوتلیں وہسکی، 84 بوتلیں رم، 480 پاو رم برآمد ہوئی ہیں۔ گاڑی کو ضبط کرتے ہوئے پولس نے الموڑہ ضلع کے بھنولی قصبے کے ڈنگرا گاؤں کے رہنے والے شنکر سنگھ بشت اور ہریش رام کو گرفتار کر لیا۔ دونوں ملزمان کے خلاف مقدمہ درج کر لیا گیا ہے۔ دونوں ملزمان اسمبلی انتخابات کے پیش نظر ضلع میں شراب لا رہے تھے۔